حه‌ویجه‌: فڕۆكه‌ جه‌نگییه‌كان 17 چه‌كداری داعشیان كوشت


خه‌ندان _ حه‌سه‌ن جومعه‌

دره‌نگانی شه‌وی رابردوو فڕۆكه‌ جه‌نگییه‌كانی‌ هاوپه‌یمانان بۆردوومانی مۆڵگه‌كانی چه‌كدارانی رێكخراوی تیرۆریستی‌ داعشیان كرد له‌ شارۆچكه‌ی حه‌ویجه‌ و ده‌وروبه‌ری و به‌و هۆیشه‌وه‌ ژماره‌یه‌ك چه‌كداری داعش كوژراون و بریندار بوون.

باپیر شێخوه‌سانی فه‌رمانده‌ی فه‌وجی چواری لیوای 11ی هێزه‌كانی پێشمه‌رگه‌ به‌ خه‌ندانی راگه‌یاند: "دره‌نگانی شه‌وی رابردوو فڕۆكه‌ جه‌نگییه‌كانی هاوپه‌یمانان زۆر به‌ چڕی بۆردوومانی مۆڵگه‌كانی چه‌كدارانی داعشیان كردووه‌ له‌ قه‌زای حه‌ویجه‌ و ده‌وروبه‌ری".

وتیشی: "به‌پێی ئه‌و زانیاریانه‌ی كه‌ به‌رده‌ستن 17 چه‌كداری داعش كوژراون و 23 چه‌كداری تریشان برینداربوونه‌".
 
ئاماژه‌ی به‌وه‌شكرد: "فڕۆكه‌ جه‌نگییه‌كان له‌ هه‌مان ناوچه‌دا گه‌راجێكی گه‌وره‌ی ئۆتۆمبێلیان ته‌قاندووه‌ته‌وه‌ و به‌ ده‌یان ئۆتۆمبێلی سه‌ربازی ئه‌و رێكخراوه‌یان سووتاندووه‌".

روونیشیكرده‌وه‌، به‌پێی زانیاری هه‌واڵگری دواتر داعش سه‌رجه‌م برینداره‌كانی خۆی ره‌وانه‌ی نه‌خۆشخانه‌ی شاری موسڵ كردووه‌.

خ.غ


ئه‌م بابه‌ته 1059 جار خوێنراوه‌ته‌وه‌‌


                  
                  

زۆرترین خوێندراو


Copyright © 2016 Xendan.org all rights reserved
Design by AVESTA GROUP , programming and database by KURDSKY.COM