بەوێنە.. ئه‌و ژنانه‌ی جیهانیان گۆڕی

خەندان لایف-

1- ئان فرانک 1945-1929 ''سه‌ره‌رای هه‌موو شته‌کان، پێم وایه‌ مرۆڤه‌کان له‌ دڵه‌وه‌ باشن''.

ئان به‌یه‌کێک له‌ نوسه‌ره‌ به‌ناوبانگه‌کانی جیهان داده‌نرێت، کاتێک خۆی و خێزانه‌که‌ی له‌ ترسی نازیه‌کان له‌ هۆڵه‌ندا خۆیان شاردبۆوه‌، له‌و ده‌فته‌ره‌ی باوکی به‌ دیاری پێی به‌خشی بوو، ته‌واوی ژیانی رۆژانه‌ی جوله‌که‌کانی باس کرد بوو، هه‌رچه‌نده‌ ئان له‌ ته‌مه‌نی پازده‌ ساڵیدا، له‌ یه‌کێک له‌ که‌مپه‌کان گیانی له‌ده‌ست، به‌ڵام دواتر ده‌فته‌ره‌که‌ی ‌ وه‌ک شایه‌ت حاڵێک به‌کارهات له‌ به‌رامبه‌ر تاوانی کوشتنی شه‌ش ملیۆن جوله‌که‌ به‌ده‌ستی نازیه‌کان،له‌ جه‌نگی جیهانی دووه‌مدا.

2- دایکه‌ تێرێزا 1997-1910"هه‌موومان ناتوانین شتی گه‌وره‌ ئه‌نجام بده‌ین، به‌ڵام ده‌توانین شتی بچووک به‌ دڵێکی گه‌وره‌وه‌ ئه‌نجام بده‌ین''.

خاوه‌ن خه‌ڵاتی ئاشتی بۆ ساڵی 1979، هه‌میشه‌ چاودێری ئه‌و که‌سانه‌ی ده‌کرد که‌ بێ که‌س بوون، ئه‌و له‌ رێگای کاری بڵاوکردنه‌وه‌ی ئاینیه‌وه‌ په‌یامی مرۆڤایه‌تی خۆیی ده‌گه‌یاند، تا ئه‌و کاته‌ی گیانی سپارد به‌ بێ ماندووبوون کاره‌کانی جێبه‌جێده‌کرد.

3-ئاونگ سان سون کی 1945 ''له‌و کۆمه‌ڵگایانه‌ی پیاو باوه‌ری به‌ شته‌کانی خۆیه‌تی، ژنان ته‌نها لێ بورده‌ نابن به‌ڵکو رێزیان لێ ده‌گیرێت''.

سوکیسیاسەتمەدارێکی ئۆپۆزسیۆنی بۆرما به‌هۆیی پاڵپشتی کردنی دیموکراسی، بۆ ماوه‌ی پازده‌ ساڵ له‌ ژێر خانوه‌که‌ی به‌ند کرا، له‌ 2010دوایی که‌مپینی نێوده‌وڵه‌تی ئازادکرا، ئه‌و له‌ ساڵی 1991خه‌ڵاتی ئاشتی پێ به‌خشرابوو، له‌ به‌رامبه‌ر هه‌وڵه‌کانی بۆ مافه‌ مه‌ده‌نیه‌کان وه‌ک نمونه‌یه‌کی تایبه‌ت ته‌ماشا ده‌کرێت له‌ ئاسیادا.

4-بێلی جه‌ین کینگ 1943 ''من پێم وابوو ئه‌گه‌ر له‌و یاریه‌ نه‌م برداباوه‌، ئه‌وا په‌نجا ساڵ ده‌گه‌راینه‌ دواوه‌... کاریگه‌ری ده‌بوو به‌سه‌ر رێزگرتنی ژنان له‌خودی خۆیان''.

بێلی یاریزانی تێنسی ئه‌مریکیه‌، توانی نازناوی خولی بیسته‌می ویمبلدۆنبه‌ده‌ست بێنێت، له‌ 1973 توانی سه‌ربکه‌وێت به‌سه‌ر بۆبی ریگز خه‌ڵاتی 100,000 دۆلار بباته‌وه‌، یاریه‌که‌ بووبووه‌ شه‌ری هه‌ر دوو ره‌گه‌ز، بۆبی پێی راگه‌یاند بوو که‌ یاریزانه‌ پیاوه‌کان به‌تواناترن.

5-شازاده‌ دایانا 1997-1961 ''هه‌موو که‌سێک ده‌بێت ریزی لێبگیرێت، هه‌موو که‌سێک توانای ئه‌وه‌ی هه‌یه‌ که‌ شتێک ببه‌خشێت''.

شازاده‌ دایانا، به‌ته‌نها خۆشه‌ویستی به‌ریتانیه‌کان نه‌بوو، نازناوی شازاده‌ی خه‌ڵک بوو، به‌هۆی به‌شداریکردنی له‌ کاره‌ خێرخوازیه‌کان، هه‌وڵدان بۆ نه‌هێشتنی زه‌وی مینرێژکراو خه‌ڵاتی ئاشتی پێدراوه‌.

6- بێنه‌زیر بۆتۆ 2007-1953''دیموکراسی باشترین تۆڵه‌یه‌''.

بێنه‌زیر بۆتۆ، یازده‌مین سه‌رۆک وه‌زیرانی پاکستان بوو(1996-1993)، به‌یه‌که‌م سه‌رۆک وه‌زیرانی ژن داده‌نرێت له‌ وڵاتانی ئیسلامیدا، له‌ ماوه‌ی حکومداریه‌که‌یدا کۆتایی به‌ حوکمی سه‌ربازی دیکتاتۆری وڵاته‌که‌ی هێنا، شه‌ری بۆ به‌ده‌ستهێنانی مافه‌کانی ژنان ده‌کرد، له‌ ساڵی 2007 له‌ کرده‌وه‌یه‌کی خۆکوژیدا گیانی له‌ده‌ستدا.

7-میشێل ئۆباما 1964 ''هێشتا زۆر هۆکار ماون که‌ ده‌بێت قوربانیان بۆ بدرێت، مێژوو زۆری ماوه‌ تاته‌واو بێت''.

خانمی یه‌که‌می ئه‌مریکا، ئه‌و له‌ ئه‌پارتمێنتێکی یه‌ک ژووری گه‌وره‌ بوو، تا ئه‌و کاته‌ی توانیویه‌تی بچێته‌ باشترین زانکۆکانی ئه‌مریکا وه‌ک هارڤارد، له‌ دوای جاکی که‌نه‌دی، به‌شیکترین خانمی وڵاته‌که‌ی داده‌نرێت، له‌ ئێستادا له‌ که‌مپینی (به‌ره‌نگار بوونه‌وه‌ی قه‌ڵه‌وی منداڵان) به‌شداره‌.

8-ئۆپرا وێنفری 1954 ''سوپاس گوزاربه‌ له‌ به‌رامبه‌ر ئه‌و شتانه‌ی که‌ هه‌ته‌، له‌ کۆتاییدا هه‌موو شتێکت ده‌بێت، ئه‌گه‌ر چاوت له‌و شتانه‌ بێت که‌ نیته‌، ئه‌وا هه‌رگیز شتی ته‌واوت نابێت''

بێژه‌ری به‌ناوبانگی ئه‌مریکی، له‌ لەدایکێکی هه‌ژار له‌ دایک بووه‌، له‌ ئیستادا خاوه‌نی ملیۆنان دۆلاره‌، به هۆیی کاره‌ خێرخوازیه‌کانیه‌وه‌ به‌ به‌خشه‌نده‌ترین که‌سایه‌تی داده‌نرێت.

9-فلۆرا‌نس نایتێنجڵ1910-1820 '' به‌ بروای من هه‌ستی مرۆڤه‌کان له‌ وشه‌کاندا نامێنێت، ئه‌وان ده‌بێت وشه‌کان به‌کردار بکه‌ن و ئه‌نجامیشی هه‌بێت''.

فلۆرانس، به‌ دامه‌زرێنه‌ری سیسته‌می په‌رستاری نوێ داده‌نرێت، ئه‌و به‌ هۆیی چاره‌سه‌رکردنی بریندارانی شه‌ری کریمیا توانیبووی ژیانی زۆریان رزگار بکات، هه‌میشه‌ به‌ په‌رۆش بووه‌ له‌ به‌ جێ گه‌یاندنی کاره‌کانی، پێیان ده‌گووت '' خانمی لامپاکه‌.''

10-مادۆنا '' 1958من ره‌قم، من به‌ ئاواتم، وه‌ ده‌زانم چیم ده‌وێت، ئه‌گه‌ر ئه‌مه‌ وا ده‌کات ببمه‌ که‌سێکی خراپ، ئه‌وا ئاساییه‌''.

مادۆنای گۆرانی بێژ به‌سه‌رکه‌وتووترین ژنی بواری بازرگانی هونه‌ری داده‌نرێت، 300 ملیۆن ریکۆردی له‌ به‌رهه‌مه‌کانی فرۆشتووه‌، له‌پاڵ گۆرانی گوتندا کاری تریشی ئه‌نجام داوه‌ وه‌ک نوسینی هۆنراوه‌ی گۆرانی و کتێبی منداڵان، له‌پاڵ دیزاینی جل و به‌رگدا کاری ده‌رهێنانی بۆ چه‌ندین فیلم کردووه‌.

11-ماری ستۆپس 1958-1880 ''هه‌ر لێک نزیک بوونه‌وه‌یه‌کی ژن و پیاو، ئه‌گه‌ر بۆ ماوه‌ی چه‌ندین ساڵیش بێت هاوسه‌رگیریان کردبێت، ئه‌وا ده‌بێت وه‌ک سه‌رکێشیه‌کی نوێ وابێت''.

لێکۆڵینه‌وه‌ ناوه‌زه‌کانی بۆ کۆنترۆڵ کردنی منداڵ بوون و رۆشنبیری سێکسی، وای کردووه‌ که‌ ماری ببێته‌ یه‌ک له‌زانا دیاره‌کانی سه‌ده‌ی بیسته‌م، به‌ ئاشکرا باسی له‌ رۆلی رۆمانسیه‌ت و خۆشی سێکس کردووه‌، بۆیه‌ زۆر له‌ به‌ربه‌سته‌ کۆمه‌ڵایه‌تیه‌کانی تێک شکاندووه‌.

12-ماری کوانت 1934 ''فاشن بریتی نیه‌ له‌ شتێکی بێ مانا، ئه‌و به‌شێکه‌ له‌وه‌ی که‌ تۆ بژیت''.

ماری دیزاینه‌ری هه‌ریه‌ک له‌ شۆرت و ته‌نوره‌ی کورته‌، ئه‌و ده‌یه‌وێت مۆدێلی جل و به‌رگی شه‌سته‌کان دووباره‌ ببێته‌وه‌.

13-کاسرین بیگیلۆ 1951 ''ئه‌گه‌ر به‌ دیاریکراوی دژایه‌تی فیلمی ده‌رهێنه‌ره‌ ژنه‌کان بکرێت، ئه‌وا من دژی ئه‌و کۆسپانه‌ ده‌وه‌ستمه‌وه‌ له‌به‌ر دوو هۆ، یه‌کەم ناتوانم ره‌گه‌زی خۆم بگۆرم، دووەم من دژی راگرتنی ده‌رهێنانی فیلمم''.

ده‌رهێنه‌ری فیلمی Hurt Lock، یه‌که‌م ژنی خاوه‌ن خه‌ڵاتی ئۆسکاره‌.

14-ئێمیلیا ئێرهارت 1937-1897 ''تکایه‌ بزانن که‌ من له‌ ریسک ده‌ترسم، ئه‌گه‌ر بمه‌وێت بیکه‌م ئه‌وا ده‌یکه‌م، ژنان ده‌بێت ئه‌و شتانه‌ تاقیبکه‌نه‌وه‌ که‌ پیاوان ده‌یکه‌ن، ئه‌گه‌ر سه‌رنه‌که‌وتن، ئه‌وا با بێته‌ به‌ره‌نگار بوونه‌وه‌یه‌ک بۆ ژنانی تر''.

ئیمیلیا، به‌یه‌که‌م ژن داده‌نرێت که‌ توانی بووی به‌ سه‌ر زه‌ریای ئه‌تله‌سی تێپه‌ڕێت له‌ 1932، دوایی سێ ساڵ توانی ببێته‌ یه‌که‌م ژنه‌ فرۆکه‌وانی جیهان و له‌ هاوای گه‌شتی کرد بوو بۆ کالیفۆرنیا، دواجار به‌ هیوای سورانه‌وه‌ به‌ده‌وری زه‌ویدا له‌ساڵی 1937 ون بوو، تاکو ئێستاش هیچ شوێنه‌وارێکی فرۆکه‌که‌ی نه‌دۆزراوه‌ته‌وه‌.

15-کوکو شانێل 1971-1883 ''مۆدێل ده‌روات، به‌ڵام ستایل وه‌ک خۆی ده‌مینێته‌وه‌''.

به‌ر له‌وه‌ی ببێته‌ گه‌وره‌ترین دیزاینه‌ری جیهانی، دایکی جل شۆر بووه‌ و له‌ کۆشکێكی شت فرۆشتن کاری کردووه‌، کوکو شانێڵ سه‌ره‌تایی کاره‌کانی به‌ گۆرانی گووتن و دروستکردنی کڵاو ده‌ست پێکردووه‌.

16-ئه‌نجێلا مێرکڵ 1954 ''که‌س له‌ ئه‌وروپا ده‌رناکرێت و دوور ناخرێته‌وه‌، ته‌نها ئه‌و کاته‌ ئه‌وروپا سه‌رکه‌وتوو ده‌بێت که‌ هه‌مومان به‌یه‌که‌ کاربکه‌ین''.

له‌2005 بووه‌ ‌یه‌که‌م راوێژکاری ئه‌وروپا، به‌ یه‌کێک له‌ به‌هێزترین راوێژکاری ئابوری داده‌نرێت، له‌ کاتی ئێستاشدا، به‌هۆیی کرانه‌وه‌ی ده‌رگای وڵاته‌که‌ی به‌ روویی په‌نابه‌راندا (به‌تایبه‌تی سوریه‌کان) به‌ دایکی په‌نابه‌ران داده‌نرێت.

17-دیانا ڤریلاند 1989-1903 ''تۆ ده‌بێت ستایلت هه‌بێت، که‌ یارمه‌تیت ده‌دات له‌وه‌ی به‌یانی له‌ خه‌و هه‌ڵبستیت، ئه‌م رێگایه‌کی ژیانە، ئه‌گه‌ر وانەبێت ئه‌وا تۆ هیچ نیت، من له‌ باره‌ی جلی زۆر قسه‌ ناکه‌م''.

دانێل رۆڵی گه‌وره‌ی هه‌بووه‌ له‌سه‌ر فاشنی سه‌ده‌ی بیسته‌م، ئه‌و نوسه‌ر و سه‌رنوسه‌ری هایپه‌ر مارکێت و گۆڤاری Vogue بووه‌.

18-‌‌‌‌‌‌‌هێلینا رۆبنسۆن 1965-1870 ''خۆ ماندوو کردن، رۆح و مێشکمان له‌ چرچ بوون ده‌پارێزێت''.

هێلینای پۆڵه‌ندی، له‌ 1902 کۆچ ده‌کات بۆ ئوسترالیا، به‌ بێ ئه‌وه‌ی زمانی ئینگلیزی بزانێت ده‌ستی کردبوو به‌ ده‌رهێنانی رۆن له‌ خووری مه‌ر و دواتر له‌ گه‌ڵ گوڵی بۆندار تێکه‌ڵی کرد بوو، بۆ ئه‌وه‌ی مەلحەمی لێ دروست بکات، له‌ کاتی خۆیدا به‌ ده‌وڵەمه‌ندترین ژنی جیهان ناسراوە.

19-جۆرج ساند 1876-1804 '' ده‌توانی جه‌سته‌م به‌ند بکه‌یت، ده‌ستم بگریت، کۆنترۆڵی کاره‌کانم بکه‌یت، به‌ڵام هێچ شتێکی له‌گه‌ل ویسته‌کانی من پێ ناکرێت''.

وتار نووس و رۆمان نوسی سۆشیالستی فه‌ره‌نسی، به‌له‌به‌رکردنی جلی پیاوانه‌، ته‌واوی کۆمه‌ڵه‌گاکه‌ی سه‌رسام کرد، وه‌ک سۆشیالستێک به‌ هاریکاری کرێکاران توانی رۆژنامه‌ی تایبه‌ت به‌ خۆیی ده‌ربکات.

20-مارگریت تاچه‌ر 2013-1925 "ئه‌گه‌ر ده‌ته‌وێت ببیته‌ که‌سێکیی خۆشه‌ویست، ده‌بێت ئاماده‌بیت بۆ سازشکردن له‌ سه‌ر هه‌موو شته‌کان و له‌هه‌ر کاتێکدا بێت، له‌وانه‌یه‌ هیچت ده‌ست نه‌که‌وێت''.

سه‌رۆک وه‌زیران و سه‌رۆکی پارتی پارێزگارانی به‌ریتانیا، به‌هۆیی سیاسه‌ته‌ توندیه‌کانیه‌وه‌ به‌ خانمی ئاسنین ناسراوه‌، یه‌که‌م ژن بووه‌ به‌ سه‌رۆک وه‌زیران هه‌ڵبژێردراوه‌، له‌ ساڵی1990-1979سه‌رۆک وه‌زیران بوو، که‌ به‌درێژترین ماوه‌ی سه‌رۆکایه‌تی داده‌نرێت له‌ به‌ریتانیا، به‌ هه‌مان شێوه‌ له‌ 1990-1975سه‌رۆکایه‌تی پارته‌که‌ی کردووه‌.

21-ئێمالین پانکورت 1928-1858 ''ئێمه‌ لێره‌ین یاسا شکێن نین، به‌ڵکو ئێمه‌ ده‌مانه‌وێت به‌ هه‌وڵی خۆمان ببینه‌ یاسا دانه‌ر''.

فێمێنیزمی به‌ریتانی، له‌ کۆتایی سه‌ده‌ی نۆزده‌ و سه‌ره‌تای سه‌ده‌ی بیسته‌م له‌گه‌ڵ هاوسه‌ره‌که‌ی داوای مافه‌کانی ژنانیان ده‌کرد، دوایی مردنی هاوسه‌ره‌که‌ی له‌گه‌ڵ سێ کچه‌که‌ی (یه‌کێتی سیاسی و کۆمه‌ڵایه‌تی ژنانیان) دروست کرد، که‌ داوای مافی ده‌نگدانیان ده‌کرد بۆ ژنان.

22-جه‌ی.که‌ی. رۆلینگ 1965 ''ئه‌سته‌مه‌ بتوانی بژیت و تووشی دۆران نه‌بیت، مه‌گه‌ر به‌ وریایه‌وه‌ بژیت که‌ئه‌مه‌ش نابێته‌ ژیان کردن، له‌و حاڵه‌ته‌‌دا تۆ به‌ هۆیی گوێ نه‌دان تووشی دۆران ده‌بیت''

دوایی بڵاو کردنه‌وه‌ی زنجیره‌ کتێبه‌کانی هاری پۆته‌ر، جه‌ی که‌ی رۆلینگ، له‌ که‌سێکی هه‌ژاره‌وه‌ بوو به‌ ملیۆنێر، که‌ تاکو ئێستا چوار سه‌د کۆپی له‌ کتێبه‌کانی فرۆشراوه‌.

23-کاسرین هیپبۆرن 2003-1907 ''ئه‌گه‌ر ملکه‌چی هه‌موو یاساکان بیت، ئه‌وا گشت خۆشیه‌کانت له‌ ده‌ست ده‌چێت''.

ئه‌کته‌ری به‌ناوبانگی ئه‌مریکی، چوار جار خه‌ڵاتی باشترین ئه‌کته‌ری بردۆته‌وه‌، به‌وه‌ ناسراو بوو که‌ گوێی به‌ یاساکان نه‌ده‌دا، هه‌میشه‌ پانتۆڵی له‌ پێ ده‌کرد بۆ ئه‌وه‌ی بیسه‌ڵمێنێت که‌ پانتۆڵ بۆ ژنانیش گونجاوه‌.

24-مێلسینت فاوسیت 1929-1947 "به‌شی زۆری دوودڵی بۆ فێرکردنی کچان و ژنان، په‌یوه‌سته‌ به‌و باوه‌ڕه‌ی که‌ فه‌شه‌لی سیاسی بۆ ژنان نه‌پارێزراوه‌''.

مێلسینت، ژیانی خۆی ته‌رخان کرد بوو بۆ داکۆکی کردن له‌ مافه‌کانی ژنان، به‌ڵام ئه‌و له‌ پشت په‌رده‌وه‌ کاره‌کانی رایی ده‌کرد و رێبه‌رایه‌تی که‌مپینی مافی ده‌نگدانی بۆ ژنان ده‌کرد، دوایی کوێربوونی هاوسه‌ره‌که‌ی هێنری فاوسیت، که‌ سیاسی بوو، له‌ ته‌واوی کاروباره‌کانی رۆژانه‌ی یارمه‌تیده‌دا.

25-شاژن ئێلیزابێسی دووه‌م 1926 ''من ناتوانم پێشره‌وایه‌تیتان بکه‌م له‌ شه‌ر کردن، ناتوانم یاسا یان بریاری دادپه‌روه‌ریتان پێ ببه‌خشم، به‌ڵام ده‌توانم دڵ و وه‌فای خۆم پێشکه‌ش به‌ خه‌ڵکی ئه‌م دوورگه‌ دێرینانه‌ و برایانی دراوسێکانمان بکه‌م''.

شاژنه‌ ئێلیزابێس بۆ ماوه‌ی 64 ساڵه‌ حوکمی به‌ریتانیا ده‌کات، له‌ کاتێکدا که‌ وڵاته‌که‌ به‌ ناخۆشترین کاتدا تێپه‌ربووه‌.

26-هێلاری کلینتۆن 1947 ''له‌زۆربه‌ی حاڵه‌ته‌کاندا، به‌هۆی جیهانگیریه‌وه‌ کچان و ژنان که‌نارگیر کراون، که‌ پێویسته‌ ئه‌مه‌ بگۆردرێت''.

هێلاری کلینتۆن، رۆلی دیاری هه‌یه‌ لهسه‌ر سیاسه‌تی ئه‌مریکا، هه‌م وه‌ک خێزانی سه‌رۆکی پێشووی ئه‌مریکا، بێل کلینتۆن، هه‌میش وه‌ک سیاسه‌تەوان، سیناتۆر و‌ وه‌زیری ده‌ره‌وه، له‌ ئێستاشدا سه‌رکه‌وتووترین کاندیدی دیموکراته‌کانه‌ بۆ سه‌رۆکایه‌تی ئه‌مریکا که‌ بڕیاره‌ له‌م ساڵەدا به‌ڕێوه‌بچێت.

27-رۆزا پارکس 2005-1913 ''ده‌مزانی که‌ ده‌بێت که‌سێک هه‌نگاوی یه‌که‌م بهاوێت، بریارم دا که‌ ئه‌و که‌سه‌ من نه‌بم''.

هه‌موومان چیرۆکی ئه‌و ژنه‌ ره‌شت پێسته‌ ده‌زانین، که‌ له‌ ساڵی په‌نجاکاندا ژنێک (رۆزا) له‌ ناو پاسدا بووه‌ و‌ رێگه‌ی نه‌داووه‌ به‌ که‌سێکی سپی پێست له‌ شوێنه‌که‌ی ئه‌و دابنیشێت، رووداوه‌که‌ بووه‌ هۆیی وه‌ستاندنی سیسته‌می پاسه‌کانی شاری مۆنگۆمری، ویلایه‌تی ئالاباما، رۆزا بۆته‌ سیمبوڵی مافه‌ مه‌ده‌نیه‌کان.

28-ئیندریا غاندی 1984-1917 ''لێ خۆش بوون هێزی ئازایه‌تیه‌''.

بۆ ماوه‌ی پازده‌ ساڵ سه‌رۆک وه‌زیرانی هیندستان بووه‌، تا وه‌کو 1984 ده‌کوژرێت، رێگا خۆشکه‌ر بوو بۆ به‌ دیموکراسه‌ کردنی وڵاته‌که‌ی.

29-ئۆدری هیپبۆرن 1993-1929 '' گرنگترین شت بۆ ئه‌وه‌ی چێژ له‌ ژیان وه‌ربگرین، ده‌بێت دڵ خۆش بین، که‌ ئه‌میش له‌ هه‌موو شتێک گرنگتره‌''.

ئه‌کته‌ری ناوداری جیهانی، ئۆدری هیپبۆرن، دوایی ئەوەی ژیانی خۆیی ته‌رخان کرد بۆ کاره‌ خێرخوازیه‌کان، بووه‌ نوێنه‌ری Unicef، سه‌ردانی وڵاتانی لێقه‌وماوی ده‌کرد وه‌ک ئه‌سیوپیا، ئیکوادۆر و به‌نگلادش، دواتر بووه‌ نموونه‌یه‌ک زۆر له‌ ئه‌ستێره‌کانی تری بواری نواندن هه‌مان ڕێچکه‌ی ئه‌ویان گرتۆته‌ به‌ر.

30-کاسرین 1982 ''ئه‌مه‌ پێشبینیەکی ته‌واو دووره‌، به‌ڵام من به‌ هیواوه‌ ئه‌و هه‌نگاوه‌ ده‌برم''.

هه‌رچه‌نده‌ ئه‌و سه‌ر بە خێزانێکی ئاساییه‌، به‌ڵام دوایی ئه‌وه‌ی شوو به‌ شازاده‌ ولیام، شازاده‌ی کامبریدج، ده‌کات، ده‌توانێت زۆر به‌ سه‌رکه‌وتوانه‌ رۆڵی خێزانی شاهان ببینێت، ئه‌و سه‌رپه‌رشتی خانه‌ی به‌ساڵاچووان، منداڵانی بێ سه‌رپه‌رشت و رێکخراوه‌ خێرخوازه‌یەکان ده‌کات.

31-ماری کوری 1934-1867 ''هیچ شتێک له‌ ژیاندا جێگای مه‌ترسی نیه‌، ته‌نها ده‌بێت له‌ شته‌کان بگه‌یت''.

ماری کۆری، زانای فه‌ره‌نسی - پۆڵه‌ندی، ئه‌و زانای بواری کیمیا و فیزیا بوو، به‌ڵام له‌ ژیانیدا هه‌میشه‌ پێشه‌نگ بووه‌:

-یه‌که‌م ژنی خاوه‌ن خه‌لاتی نۆبڵه‌.

-یه‌که‌م که‌سیشه‌ که‌ بۆ دوو جار خه‌لاتی نۆبڵ وه‌ربگرێت.

-یه‌که‌م ژنه‌ پرۆفیسۆری زانکۆی پاریسه‌.

-یه‌که‌م ژنیشه‌ که‌ له‌ گۆرستانی نه‌ته‌وه‌یی فه‌ره‌نسا شاردراوه‌ته‌وه‌.

-یه‌که‌م که‌سیشه‌ لێکۆڵینه‌وه‌ی کردووه‌ له‌سه‌ر تیشکی ئه‌تۆمی.


ئه‌م بابه‌ته 25188 جار خوێنراوه‌ته‌وه‌‌

نیشانە کردن

‌‌‌

زۆرترین خوێندراو