ئەو هۆكارانەی لەبەرچاوی خەڵک لە جوانییەکەت کەمدەکاتەوە

خەندان لایف- ڕەوا مەحمود

ئەو توێژینەوانەی كە لەلایەن شارەزایانەوە ئەنجامدراون لەسەر سروشت و مامەڵەی مرۆڤ و هەڵسوكەوت و كاریگەریەكانی، گەیشتوونەتە ئەو ئەنجامەی كە 10 هۆكاری سەرەكی هەن دەبنەهۆی دوورخستنەوەی خەڵكی لە خۆمان، بۆیەئەگەر تۆ ئەم خەسڵەتانەت هەیە ئەوا باشتر وایە بەزوویی دەستبەرداریان بیت.

خەمۆكی: بەپێی توێژینەوەیەكی گۆڤاری Journal Biology، ئەو خانمانەی كە ڕادەی خەمۆكیان زیاد لە پێویستە بەلای پیاوانەوە سەرنجڕاكێش نین.

درۆكردن: ڕاستگۆ نەبوون و تەنانەت شاردنەوەی ڕاستیەكان و نكوڵیكردن لێیان یەكێكە لەو خەسڵەتانەی كە خەڵكیت لێ دووردەخاتەوە.

كەمخەوی: توێژینەوەیەكی ساڵی 2010 لە سوید، دەریخستووە كە كەمخەوی لە كەسایەتیدا ڕەنگ دەداتەوە و كەسی بەرامبەر هەستی پێدەكات و وادەكات كەنتر مەیلی تێكەڵبوونی كۆمەڵایەتی بۆ كەسی كەمخەو هەبێت.

زمانی جەستە: چەند توێژینەوەیەكی ژمارەیەك لە زانكۆكانی ئەمریكا هاوڕان لەسەر ئەوەی داخستنی قۆڵەكان و بەرزكردنەوەیانەكان هێمان بۆ ئەوەی كە ناتەوێت تیكەڵاو ببیت لەگەڵ كەسانی دیكەدا.

تەمبەڵی: شارەزایانی زانكۆی ویسكنسن و نیویۆرك لە ئەمریكا ئاماژە بۆ ئەوە دەكەن كە خەڵكی نایانەوێت توخنی كەسانی تەمەڵ بكەون.

دڵخۆشی لە ڕادەبەدەر: توێژینەوەكانی ساڵی 2011ی زانكۆی British Columbia گەیشتوونەتە ئەو ئەنجامەی كە خانمان حەز بەو پیاوانە ناكەن كە هەمیشە زەردەخەنە لەسەر لێویانە.

لەخۆباییبوون: هاوكات ئەو خانمانەی كە زۆر لە خۆیان ڕازین و بەخۆیان دەنازن لەلایەن پیاوانەوە پەسەند نین.

بوونی هەمان بۆن: زانكۆی نیو مێكسیكۆ لە توێژینەوەیەكیدا ئاشكرایكردووە كە ئەو كەسانەی هەمان بۆن بەكاردێنن یاخود بۆنی نزیك لەیەك بەكاردێنن سەرنجی یەكتر ڕاناكێشن، بەو پێیەی ئەو خەسڵە‌تە وایان لێدەكات هەستبكەن كە خزمی یەكترن و دەمێكە یەكتر دەناسن.

گاڵتەئامێزی: شارەزایانی بواری سایكۆلۆژی زانكۆی ئۆلستەر باس لەوە دەكەن كە پێویستە مرۆڤ كەمێك گاڵتەئامێز و سوعبەتچی بێت، بەجۆرێك كە كەسی بەرامبەر ئازار نەدات، ئەو خەسڵەتەش وای لێدەكات زیاتر سەرنجڕاكێش بێت.

س.م


ئه‌م بابه‌ته 15928 جار خوێنراوه‌ته‌وه‌‌

نیشانە کردن

‌‌‌

زۆرترین خوێندراو