ڤیدیۆ.. سبیل جان دەبێتە ڕاپەڕ

خەندان لایف- خۆشناو حسێن

خانمە گۆرانیبێژی ناسراوی توركیا "سبیل جان" لە شاری ئیستەنبول لەمیانەی بەشداریکردنی لە كۆنسێرتێكی تایبەتدا بۆ یەكەمجار گۆرانی راپ لەگەڵ دوو هونەرمەندی دیکە بە "دیوت" دەڵێتەوە و هەوادارانی دەهێنێتە سەماکردن.



پێشتر گۆرانیەکە لە لایەن دوو هونەرمەندی راپەوە بەناوی "ئەیپیو و بوراك كینگەوە" وتراوە، سبیل جانیش بو بەرزكردنەوەی مورالی هەردوو هونەرمەندی گەنج گۆرانی "گوناهی منە و تاوانی منە"ی لەگەڵیان وتەوە
.



لە بارەی گۆرانیەكەوە سبیل جان ڕایگەیاند "لە رێی منداڵەکانمەوە (ئەنگین و مەلیسا و ئەمیر) ئەیپیو و بوراك كینگی هونەری ڕاپم ناسی، لە یوتوب بینیم کە نزیکەی 107 ملیۆن بینەریان هەیە.

سبیل جان له‌دایكبووی ساڵی 1970، له‌ته‌مه‌نی 14 ساڵیدا بۆ ماوه‌یه‌ك سه‌ماكار بووه‌، دواتر كاری گۆرانی و نواندنیشی كردووه‌، باوكی سبیل جان یوگسلافی بووه‌ و كه‌مانی ژه‌ندووه‌، له‌گه‌ڵ باوكیدا له ‌وڵاتانی ڤێننا و ئه‌ڵمانیا و هۆڵه‌ندا كاریان كردووه‌ له‌ناو گازینۆكاندا، له ‌ساڵی 1987 یه‌كه‌م ئه‌لبومی بڵاوده‌كاته‌وه‌، هه‌وادارێكی زۆر كۆده‌كاته‌وه.




ئه‌م بابه‌ته 34915 جار خوێنراوه‌ته‌وه‌‌

نیشانە کردن

‌‌‌

زۆرترین خوێندراو