خۆشمی دەوێت،خۆشمی ناوێت



كاتی خۆی ولە فیلمە كۆنەكان،دوو مەعشوق بەگوڵێك ناخی خۆیان خاو دەكردەوە و ئەو گوڵەیان دەكردە نیاز،پەڕ بە پەڕی گوڵەكەیان لێك دەكردەوە و دەیگوت،خۆشمی دەوێـت ،خۆشمی ناوێت،زۆرجاران باش دەردەچوو،واتە خۆشی دەوێت،هەندێك جار خراپ و پێچەوانەبوو.

بەشێك لە خولەكانی كوردستان ،بەتایبەتی خولی تۆپی پێ،یاریزانان وراهێنەران و یانەكانیش واقیان وڕماوە،نازانن یاریزان وراهێنەر و ستافی تۆپی پێ پێك بێنن یان نا؟چونكە قەیرانەكە لەلایەك بوەستێ،یانەكان زۆربەیان بە دوو رێگا ئەو هەنگاوە دەنێن،هەندێكیان یاریزانەكانی پارساڵ وبەبێ گۆڕانكاری،هەندێكیش لەنێوان (10تا14) یاریزانی هەیە!.

سەرۆك یانەكانیش نازنن خولەكە بەرێوە دەچێت یان نا،هەموویان تێكەڵ بوونە تا رادەیەك خولی كوردستان نائومێدی یاریزانەكانی بە رادەیەك گرتەوە كۆچ بەرەو هاندەران دەكەن كە بەراستی ئەم دیاردەیە بۆتە بێ تاقەتی هەموو لایەك،بەڵام ناتوانین چارەسەریشی بكەین، یاریزانان و راهێنەران و یانەكانیش چەق بەستاون،هەنگاوی ئومێدی تا رادەیەك لاوازە،بۆیە دەبێت زۆر بەجدی تێكڕایی وەرزشوانان ویانەكان و كەسایەتییە وەرزشییەكان و خەمخۆران ومیدیاكارانی وەرزشی و دەزگاكانی راگەیاندن بێنە سەرخەت و رێگە چارەیەك بۆ ئەم حاڵەتە بدۆزنەوە،هەرچی زووە بتوانن ئەو قەیرانە تێپەڕێنن و بگەنە چارەسەریەكی گونجاو،چونكە جگە لە پەك كەوتنی وەرزش لە كوردستان،گەنج ولاوەكانمان وون دەبن،بۆیە هۆكار زۆرن بۆ پەككەوتنی وەرزشی كوردی،بۆیە هەرچی زووە بكرێت بۆ چارەسەركردنی ئەو قەیرانە.


ئەگەرنا هەر دەبێت وەكو عاشقەكان بڵێین خولی كوردستان بەرێوە دەچێت، یان بەرێوە ناچێت؟ بۆیە لێكترازانێك لەنێوە وەرزشی كوردی دروست دەبێت جگە لە یانەكان گەنجەكانیشمان وڵات جێدێلن، ئەوسا كە یاریزانان كۆچییان بۆ دەرەوەی  وڵات كرد ، بەكوێ و بۆ كوێ خولی كوردستان بەرێوە ببەین؟.

نیشانە کردن

زۆرترین خوێندراو