خدر و ئەلیاس ساڵ بووخەلاس

زاگرۆس نانەكەلی
1-2

ئەمە پەندێكی كوردییە لەشاری هەولێر ودەشتەكانی زیاتر بەكارهاتووە،بەواتای كۆتایی سال كە جوتیارەكان گەنم وجۆ دەدوورێتەوە (بەواتای زستان بوو خلاس) وحیسابی خۆی دەكات و قازانج و زیانی خۆی یەكلادەكاتەوە،ئینجا دەڵێن (خدر و ئەلیاس ساڵ بووخەلاس).

بۆیە دەمانەوێت (داهاتی ئەوساڵامان بزانین)سەرژمێری یاخود پانۆرامایەك یان دەستكەوت وزیان وقازانجی ئەم ساڵەی وەرزشیمان بەكوێ گەیشت؟ دەكرێ بزانین ساڵی 2015 لە وەرزشی كوردی زەرمانە،یان قازنج، لەوانەیە بە مایەی خۆمان هەڵسابین وئاگادارنەبین،چۆن بزانین وسەرژمێری ولێكدانەوەیەكی زانستی بكەین بۆ تێپەڕبوونی ئەم ساڵە،گرنگە بیزانین،بەڵام ئایا ئێمە پسپۆڕمان هەیە لەم بوارە تا بەم كارە هەڵسێ؟

دەكرێ چەند لایەنی پەیوەندیدار بەم ئەركە هەڵسن،وەزارەتی رۆشنبیری كە زانیاری وداتا لە یانەكانی كوردستان وەربگرێت،بەڵام بەداخەوە وەزارەت بەو زستانەساردە بەستوویەتی زەردی خەزانە،لیژنەی ئۆلۆمپی بۆ یەكێتییە وەرزشییەكان دەتوانی رۆڵی هەبێت،ئەمەشیان ناكرێت، چونكە ئۆلۆمپی پارەی كرێ خانوو قەرزارە!، وەرزشكارە دێرینەكان دەتوانن سوودیان لێ وەرگرن،بەڵام ئەوانیش قوتی ژیانیان لێ بڕین كە موچەی رێزلێنان بوو،ئەوان كەسێ نیە تیماری برینی ئەوان بكات،ئەمجارە میدیاكارانی وەرزشی دەتوانن لە دەزگاكانیان بەرنامەیەك ئامادەبكەن،بەڵام ئەوانیش زۆربەیان بەهۆی قەیرانەوە دەزگاكانیان بۆماڵەوە رەوانەی كروونەوە.

ئەوەی پێوویستە بكرێت بۆ ئەوەی وەكو گەلانی جیهان شانازی پێبكەین و چێك(پێوان) وتوێژینەوە وسەرژمێرییەكی ساڵانە بكەین وپێویستە ئەمانە بخەینەڕوو:

یەكەم: ئایا وەرزشی كوردی لەخول وپاڵەوانیەتییە نێودەوڵەتییەكان بۆ ساڵی 2015 چیكردووە؟.
دووەم: لەسەر ئاستی یانەكان وتێكڕایی وەرزشەكان چیكردووە؟
سێیەم: لەسەر ئاستی یاری تاك چیكردووە؟.
چوارەم: لەسەر ئاستی یاریزان ودەستكەوتی كەسێتی چیكردووە؟.
پێنجەم:یایزانە كوردەكان لەتاراوگە چییان بۆ وەرزشی كوردی كردووە؟.
شەشەم: سیاسەت ودبلۆماسیەتی كورد بۆ وەرزش ئەگەر هەیە بۆ ساڵی 2015 چیكردووە؟.
حەوتەم: بەرنامە وپلانی ئامادەكراو بۆ ساڵی 2016 ی وەرزشی كوردی.
هەشتەم: لەم حەوت خاڵە دەتوانین خاڵە گرنگ و سستەكانی وەرزشی كوردی بخەینە روو.

لە كۆتایی ساڵ گرنگە مایە وقازانجی خۆمان بزانین و گرنگی پێ بدەین ئەگەرنا تەنها هیچمان نەكردووە وساڵێكمان بەبێ بەرهەم و دەستكەوت و بەخۆڕایی بەرێكردووە ،ئەو كاتیش هەموومان بەبێ جیاوازی بەرپرسین لە خراپی وەرزشی كوردی.

نیشانە کردن

زۆرترین خوێندراو