میسی بێبه‌ری بوون له‌ ئیسلام و جوله‌كه‌

جارێكی دیكه‌ شه‌ڕی كه‌رتی غه‌زه‌ و ئیسڕائیل بۆیه‌وه‌ باس و خواستی میدیاكان و, جیهانی پڕكرد. ته‌نانه‌ت ئه‌مجاره‌ ئه‌ستێره‌كانی یاریی تۆپی پێش له‌ نیوان به‌رگری و خۆشه‌ویستیدا نه‌یانتوانی خۆیان له‌و دۆزه‌دا بدزنه‌وه‌. ماوه‌یه‌ك له‌مه‌وبه‌ر یانه‌ی به‌رشه‌لۆنه‌ چوونه‌ وڵاتی ئیسرائیل و له‌وێ‌ سه‌ردانی قودسیان كرد, هه‌روه‌ها له‌و كاته‌دا میسی و هاوڕێكانی له‌ یه‌كێك له‌ نزرگا پیرۆزه‌كانی جوله‌كه‌ به‌كڵاوێكی سپی په‌رستشی جوله‌كه‌وه‌ ده‌ركه‌وتن. ده‌ركه‌وتنی هه‌مووان ئاسایی بوو, به‌ڵام ده‌ركه‌وتنی میسی به‌و كڵاوه‌وه‌ ده‌نگی نه‌ڕه‌زای لێكه‌وته‌وه‌, به‌تایبه‌تی جیهانی ئیسلامی و ڕێكخراوه‌ ئیسلامیه‌كان ئه‌وه‌یان به‌ دژایه‌تی و لایه‌نگری ئه‌و یاریزانه‌ بۆ جوله‌كه‌كان ناوزه‌ند كرد.

دوای گه‌شته‌كه‌ی به‌رشه‌لۆنه‌ و شه‌ڕه‌كه‌ی غه‌ززه‌, ڕۆژنامه‌ی (یدیعوت احرونوت)ی ئیسرائیلی ئه‌وه‌ی دووپاتكرده‌وه‌ میسی به‌ كڵاوی په‌رستشی جوله‌كه‌وه‌ په‌رستنی كردووه‌, بۆیه‌ جێگای ڕێزه‌. دوابه‌دوای ئه‌وه‌ ڕۆناڵدی پرتوگالی هاوكاری فه‌ڵه‌ستینی كردو له‌وه‌وه‌ جه‌نگی نێوان موسڵمانان و میسی ده‌ستی پێكرد, به‌ تایبه‌تی كه‌ گوایه‌ ئه‌و یاریزانه‌ پشتگیری خۆی بۆ جوله‌كه‌ و ئه‌و ئابڵوقه‌ به‌رده‌وامه‌ی خستوێتییه‌ سه‌ر غه‌ززه‌ دووپاتكرده‌وه‌, یاخود به‌ دیوێكی دیكه‌دا وا ته‌فسیر كرا میسی به‌ هه‌موو جۆرێك پشتگیری لۆبی جوله‌كه‌ ده‌كات و گرنگ نیه‌ منداڵانی غه‌ززه‌ ده‌مرن, یان ده‌مێنن. ڕكابه‌ره‌كه‌یشی غه‌ززه‌ی هه‌ڵبژارد!

دواجار ئه‌وه‌ی ته‌نیا میسی به‌ كه‌سێكی نزیك له‌ جوله‌كه‌كان ناو ده‌بات ڕۆژنامه‌كانی ئیسپانیایه‌, كه‌ گوایه‌ ئه‌و یاریزانه‌ له‌ ڕێگای تۆڕی كۆمه‌ڵاتی تویته‌ر له‌ نامه‌كه‌ی په‌شیمان بۆته‌وه‌, كه‌ بۆ پشتگیری منداڵانی غه‌ززه‌ و پشتگیری ئه‌وان نووسیی بووی. هه‌روه‌ها پێگه‌ی (های كوڕه‌) ئه‌وه‌ی نوسیی وه‌ ڕۆژنامه‌كانی ئیسپانیا و به‌تایبه‌تی ڕۆژنامه‌ی (as ) جارێكی دیكه‌ درۆیان كردووه‌, درۆیه‌كی شاخداریان بۆ یاریزان میسی هه‌ڵبه‌ستووه‌. پێگه‌ی های كوڕه‌ نوسیوییه‌تی سه‌ردانی پێگه‌كه‌ی میسی مانكرد و بینیمان ئه‌و ئه‌و نامه‌یه‌ی نه‌سڕیته‌وه‌ كه‌ بۆ پشتگیری منداڵانی غه‌ززه‌ و ئه‌وه‌ی جوله‌كه‌ به‌گه‌لی فه‌ڵه‌ستین ده‌یكات دووپات ده‌كاته‌وه‌, بۆیه‌ جێگای داخه‌ ڕۆژنامه‌كانی ئیسپانیا له‌و جۆره‌ درۆیانه‌ ده‌كه‌ن.

له‌ كۆتایدا میسی گه‌ر جوله‌كه‌بێت, یاخود سه‌ر به‌ هه‌ر ئه‌دیانێكی دیكه‌ بێت, دواجار سیاسه‌تی نه‌ جوله‌كه‌ و نه‌ موسڵمان و نه‌ مه‌سیحی ناگۆڕێت و ئه‌وه‌ی له‌سه‌ر ئه‌رزی واقع ڕووده‌دات به‌رده‌وامی هه‌یه‌. سه‌ر ئه‌نجام میسی ئێستا له‌ نێوان سێ‌ ئه‌دیانی ئاسمانی خۆی یه‌كلا نه‌كردۆته‌وه‌, كه‌ ئه‌و یاریزانه‌ له‌ بنه‌ڕه‌تدا مه‌سیحیه‌ و نزیك و دوور په‌یوه‌ندی به‌و دوو دینه‌ی دیكه‌وه‌ نیه‌, بۆیه‌ له‌ ئێستادا میسی بچكۆله‌ی تانگۆكان به‌ نامه‌یه‌ك زۆر له‌ بۆچوونی دانیشتوان و پشتیوانانی خۆی له‌ نیشتیمانی ئیسلامی یه‌كلاكردۆته‌وه‌, های كوڕه‌ ئه‌وی دووپات كرده‌وه‌ نامه‌كه‌ی میسی هاوسۆزی هه‌یه‌ بۆ فه‌ڵه‌ستین, نه‌ك بۆ ڕشتنی خوێنی منداڵانی بێ‌ تاوان. هه‌روه‌ها دواجار میسی ته‌نیا ئه‌وه‌نده‌ی وت: "من خۆیشم منداڵم هه‌یه‌", كه‌ ڕه‌نگه‌ ئه‌وه‌ی میسی پێشتر دووچاری بوو, ئه‌مجاره‌ له‌ لایه‌ن جوله‌كه‌كانه‌وه‌ ڕووبه‌ڕووی بێته‌وه‌, له‌ بری كڵاوی پیرۆزی خۆیانی له‌سه‌ر بكه‌ن, ناوه‌كه‌ی بخه‌نه‌ ژێر پێی منداڵه‌كانیانه‌وه‌.





نیشانە کردن

زۆرترین خوێندراو