دووڕووی هه‌ندێك له‌ كه‌ناڵه‌كانی ڕاگه‌یاندن

له‌ یاریی سێیه‌میدا یانه‌ی سلێمانی له‌ مه‌لعبه‌كه‌، كه‌ یاریگای یانه‌كه‌یه‌ به‌رامبه‌ر به‌ یانه‌ی نه‌وتی باكوور یاریی كرد، له‌كاتی یارییه‌كه‌دا به‌هۆی هاتنه‌ ناوه‌وه‌ی هانده‌رێك به‌ ئاڵای كوردستان و دواتر هێرشكردنه‌ سه‌ر هانده‌ره‌كه‌ له‌ لایه‌ن یاریزانه‌كانی یانه‌ی نه‌وت، په‌شێوی و شه‌ڕڕوویدا، یاریزانه‌كانی نه‌وت به‌هه‌موویانه‌وه‌ په‌لاماری ئه‌و هانده‌ریاندا و دواجار دۆخه‌كه‌ ته‌قیه‌وه‌ و ئاژاوه‌كه‌ به‌ره‌و گه‌وره‌بوون و،  به‌ناچار ناوبژیوانی یارییه‌كه‌ فیكه‌ی كۆتایی لێدا.

قسه‌ی من لێره‌دا ئه‌وه‌یه‌: نامه‌وێت هه‌ندێك كه‌ناڵ و ڕۆژنامه‌ دۆخه‌كه‌ له‌سه‌ر یانه‌ی ناوبراو قورس بكه‌ن، به‌ڵام ته‌نیا ئه‌وه‌ ده‌ڵێم بیان وێرایه‌ گه‌ر به‌ ڕاسته‌یه‌كیش بووه‌ باسی ڕووداوه‌كه‌ و لێدوانی تایبه‌تیان ببوایه‌. حه‌یفه‌ ئێمه‌ له‌ وڵاتێكدا ده‌ژین ده‌یان و سه‌دان ڕۆژنامه‌نووسی وه‌رزشی و كه‌ناڵی باشمان هه‌یه‌، به‌ڵام زۆربه‌یان له‌به‌رامبه‌ر ئه‌وه‌ی له‌ یاریگاكه‌ی سلێمانی ڕوویدا خۆیان بێده‌نگ كرد و ته‌نیا وشه‌یه‌كیان نه‌وت، یاخوك نایانكرده‌ مانشێتی هه‌واڵێكیش. ئه‌و كاته‌ی یانه‌ی چه‌مچه‌ماڵ له‌ ناوبژیوانی یارییه‌كه‌یدا هه‌موو كه‌ناڵ و ده‌زگا و ڕادیۆیه‌كان وه‌ك ئه‌وه‌ی هێرشكرابێته‌ سه‌ر گه‌وره‌ترین كه‌سایه‌تی ئه‌م وڵاته‌ دۆخه‌كه‌یان هێنده‌ گه‌وره‌كرده‌وه‌ تا یه‌كێتی تۆپی پێی كوردستان یانه‌كه‌ی به‌ قوڕدا برد. له‌و كاته‌دا من به‌رپرسی ڕاگه‌یاندنی یانه‌ی چه‌مچه‌ماڵ بووم، سه‌ره‌تای ڕووداوه‌كه‌ پامنێری یه‌كێك له‌ كه‌ناڵه‌ (بێ‌ ڕكابه‌ره‌كان) لێدوانی ته‌له‌فۆنی لێ‌ وه‌رگرتم و دواتر خۆی ڕاسته‌خۆ قسه‌ی كردوو سه‌رجه‌می لێدوانه‌كانی منی به‌ پێچه‌وانه‌ گه‌یاند، هه‌روه‌ها هه‌ندێك له‌ میدیاكان زۆر به‌شێوه‌یه‌كی دڕندانه‌ و دوور له‌ ئه‌خلاقی كاری ڕۆژنامه‌گه‌ری به‌بێ‌ ئه‌وه‌ی خۆیان له‌ یاریگای چه‌مچه‌ماڵ بووبن قسه‌یان ده‌كرد و ته‌نانه‌ت خه‌ڵكی ئه‌و شاره‌یان وه‌ك مرۆڤی دوایی كاره‌سات ده‌چواند.

له‌ ڕاستیدا یانه‌ و تیپه‌كان، له‌ له‌ناودا یه‌كسانن و ته‌نیا ئه‌نجامه‌كان جیایان ده‌كه‌ته‌وه‌، به‌ڵكو تۆ ناتوانیت ڕووماڵی بچوكترین وه‌رزشی شارێكی بچوك و گه‌وره‌ وه‌ك یه‌ك نه‌كه‌یت و ئه‌وانه‌ی كه‌ به‌ دواكه‌وتوو له‌ ده‌ره‌وه‌ی كاره‌كه‌ی خۆتدا ببینیته‌وه‌. ماوه‌ی چه‌ند ڕۆژێكه‌ گرفتێك له‌ یاریگای سلێمانی ڕوویدا، زۆر به‌ باشی ڕاگه‌یاندكاران و ده‌زگاكان مامه‌ڵه‌یه‌كی ته‌ندروستیان كرد له‌سه‌ر دۆخه‌كه‌، به‌ڵام به‌داخه‌وه‌ زۆریان له‌به‌رامبه‌ر كه‌یسی ئاژاوه‌كه‌ی یاریگای یانه‌ی چه‌مچه‌ماڵ (دووڕوو) بێ به‌ڵێن ده‌رچوون به‌رامبه‌ر به‌ پیشه‌ ڕاسته‌قینه‌كه‌یان و هه‌موو زۆر به‌توندی به‌ربووبوونه‌ گیانی خه‌ڵكی شاره‌كه‌.

باشه‌ نازانم ئه‌و هه‌موو ده‌مڕاسته‌ی ساتی ئاژاوه‌كه‌ی یاریگای چه‌مچه‌ماڵ و په‌خشی ڕاسته‌وخۆ چیان لێهات؟ یان چاكتر وایه‌ بڵێم ناكرێت تۆ وه‌رزشی شارێكی گه‌وه‌ری وه‌ك سلێمانی هاوشێوه‌ی چه‌مچه‌ماڵ لێبكه‌یت و هێنده‌ كێشه‌كه‌ گه‌وره‌ بكه‌یته‌وه‌، یان چه‌مچه‌ماڵ خاوه‌نی نیه‌ و سلێمانیش سه‌دان گه‌وره‌ پیاو خاوه‌نێتی و هه‌ندێك قه‌ڵه‌م فرۆشیش ناتوانن له‌ قسه‌ی ئه‌میره‌كانیان ده‌رچن و شاره‌كه‌ی ئه‌وان له‌كه‌دار بكه‌ن.





نیشانە کردن

زۆرترین خوێندراو